XVI Congreso Galego de Estatística e Investigación de Operacións | Segunda circular

O XVI Congreso Galego de Estatística e Investigación de Operacións 2023 terá lugar na Escuela Técnica Superior de Ingeniería de Caminos, Canales y Puertos da Universidade da Coruña, do 26 ao 28 de outubro de 2023. Nesta circular anunciamos que está aberta a inscrición con tres períodos para as cotas:

Superreducida: ata o 6 de setembro de 2023
Reducida: dende o 7 de setembro ao 15 de outubro de 2023
Normal: a partir do 15 de outubro de 2023

O comité organizador convida a todos os colectivos vinculados coa Estatística e a I.O. a participar neste congreso presentando os seus resultados, aplicacións ou experiencias en calquera dos campos do coñecemento científico ou tecnolóxico, a través do enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo. xunto con unha copia do formulario de inscrición ata o 25 de xullo de 2023.

A SGAPEIO volve a convocar o premio ás mellores comunicacións presentadas por investigadores novos (menores de 30 años) cun premio de 500 €

Recordamos que como parte do congreso inclúense as I Xornadas de Innovación docente na Estatística e IO, organizadas en colaboración con AGAPEMA. Estase a tramitar a homologación pola Consellería de Educación, Universidade e Formación Profesional de la Xunta de Galicia, cun recoñecemento de 8 horas. As xornadas inclúen o sábado 28 de outubro pola mañá a conferencia plenaria de Eduardo Sáenz de Cabezón, especialista en monólogos científicos e divulgador de recoñecido prestixio. As persoas interesadas en participar unicamente nas xornadas e non no congreso, poden facer a inscrición cunhas cotas mais reducidas, a través do seguinte formulario.

Animamos a todos os profesores e profesoras, tanto en educación secundaria como universitaria, a enviar as súas experiencias docentes relacionadas coa Estatística e a IO baseadas na innovación e implantación de melloras na aula, que se presentarán de forma oral na correspondente sesión o sábado 28 de outubro 2023, pola mañá. O prazo de envío remata o 25 de xullo de 2023.

Toda a información do congreso irase actualizando en http://xvicongreso.sgapeio.es/

Agardámosvos na Coruña!

Un cordial saúdo do Comité Organizador.